АҞӘА, ԥхынгәы 28 – Sputnik. Есышықәсатәи ашахматтә фестиваль "Аԥсны Open" мҩаԥгахоит Аҟәа, Карпов ихьӡ зху азал аҿы нанҳәа 1-12 рзы ҳәа аанацҳауеит аҳҭнықалақь ахадара аспорт азы аилак апресс-маҵзура.
Афестиваль апрограммала нанҳәа 2-8 рзы имҩаԥгахоит 8-12 шықәса зхыҵуа ахәыҷқәа рыбжьара атурнир. Анаҩс адуцәа еиндаҭлоит. Нанҳәа 11 рзы ашахмат ццакқәа рзы рапид-турнир мҩаԥгахоит, нанҳәа 12 рзы – блиц-турнир.
Ашахмат азы афестиваль акырҵуеит Аԥсны имҩаԥыргоижьҭеи. Ари аамҭала "Аԥсны Open" иаҭааит иахьа Урыстәыла еизгоу акоманда алахәылацәа жәпаҩык.
2007 шықәсазы афестиваль иалахәын 325-ҩык ашахматасыҩцәа. Аицлабрақәа ирылахәхар ҟалоит изҭаху зегьы. Атурнир мҩаԥысуеит ФИДЕ аԥҟарақәа рыла, швеицариатәи асистемала 9 туркны.
Ԥхынгәы 1-12 рзы Аҟәа имҩаԥысхьан атурнир "Аҟәа Open 2022".