АҞӘА, ԥхынгәы 28 – Sputnik. Нестор Лакоба имузеи аремонт иалагеит ҳәа аанацҳаит Аԥсны акультура аминистрра.
Аусурақәа мҩаԥнагараны иҟоуп аилахәыра "Аԥсныргылара". Аилак адиректор хада Руслан Тәанба иҳәеит аремонт шымҩаԥысуа апроект инақәыршәаны, апроекттә еиҿкаара аинтериер аус шадыруло.
Тәанба агәыӷра ааирԥшит аобиект ашықәс нҵәаанӡа ахархәарахь ишрыҭахо азы.
Нестор Лакоба иҭоурых-мемориалтә музеи аԥҵан 1982 шықәсазы, шықәсык ашьҭахь иаартын, амузеи аус ауит нанҳәа 1992 шықәсанӡа.
1992-1993 шықәсқәа рызтәи Аԥсны Аџьыџьтәылатәи еибашьраан амузеи рыблит, аха Аԥснытәи аҳәынҭқарратә музеи аҿы архив зегь аиқәырхара алшеит.