АҞӘА, нанҳәа 2 – Sputnik. Уахыки-ҽнаки рыҩныҵҟа Ҟәбан коронавируснус 84-ҩык ирыдбалоуп ҳәа аанацҳауеит Краснодартәи атәылаҿацә аоперштаб.
Ичмазаҩхаз рахьтә 60-ҩык ҳәсақәоуп, 24-ҩык хацәоуп, урҭ рхыԥхьаӡараҿы хәҩык хәыҷқәоуп.
Краснодар аҿкы рыдбалоуп 55-ҩык, Шәача- хҩык, Новороссиск-хҩык, Анапа-хәҩык.
Краснодартәи атәылаҿацә аоперштаб адыррала иахьатәи амш азы ахәшәтәра иахысуеит 190-ҩык, амбулатортә хәшәтәра иахысуеит 2115-ҩык, COVID-19 рыманы аҩны иҟоуп 1440-ҩык.
Апандемиа аамҭазы алабораториақәа рҿы имҩаԥыргахьеит 7 162 162 ҭҵаара, иаадырԥшхьеит 266249 коронавирус хҭыс. Зынӡа Краснодартәи атәылаҿацә аҿы рыԥсҭазаара иалҵит 10 980-ҩык.