Есышықәса нанҳәа 15 рзы Аԥсны иазгәарҭоит 1992-1993 шықәсқәа Аԥсны жәлар Рџьынџьтәылатә еибашьраан Хатәгәаԥхарала еибашьра иааз Рымшныҳәа.
Сынтәа амшныҳәа 30 шықәса ахыҵраз ишьақәырӷәӷәоу апрограмма инақәыршәаны ауснагӡатәқәа мҩаԥгахоит Гәдоуҭа, иҳәеит аҳәынҭкомиссиа анапхгаҩы.
Беслан Џьопуа иажәақәа рыла, арыцхә инамаданы амедалқәа разыхиара аус азгәаҭан, аха урҭ рҭыжьра иахьахьымӡаз иахҟьаны рнапаҿы ирыҭахоит ианымазеихалак ашьҭахь.
Хатәгәаԥхарала еибашьра иааз Рымшныҳәа азгәаҭаразы Аԥсныҟа иаараны иҟоуп 200-ҩык инареиҳаны асасцәа, иҳәеит Џьопуа.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.