АҞӘА, нанҳәа 11 – Sputnik. Урыстәыла Аекономикатә ҿиара аминистр Максим Решетников Аԥсны дааны дыҟоуп усутә ныҟәарыла ҳәа аанацҳауеит аинформациатә маҵзура "Аԥсныпресс", Аминистрцәа реилазаара апресс-маҵзура адыррақәа шьаҭас иҟаҵаны.
Решетников ареспублика ахада Аслан Бжьаниа диԥылараны дыҟоуп, дырҭаараны дыҟоуп жәабала Урыстәыла афинанстә цхыраарала еиҭашьақәыргылоу аобиектқәа.
Иара убасгьы днеины ибоит Владислав Арӡынба ихьӡ зху Аҟәатәи аҳаиртә баӷәаза аҭагылазаашьа.