АҞӘА, нанҳәа 19 – Sputnik. Аҟәатәи аӡбарҭа Аԥсны уаанӡатәи акультура аминистр дшыбаандаҩу дааннажьит, иаанкылара аҿҳәара 2022 шықәса цәыббра 19 рҟынӡа инахеит ҳәа Sputnik иазеиҭарҳәеит Апрокуратура хадаҿы.
Агрба дзыхьчо аган ари аӡбамҭа иазашшуеит. Аколлегиа уи аус иааиуа амчыбжь азы иахәаԥшраны иҟоуп.
Гәдиса Агрба Аԥсны Акультура аминистрс дыҟан 2020 шықәса рашәарамза инаркны 2022 шықәса жәабранмзанӡа.
Мшаԥымза 20 рзы иара даанкылан имаҵураҭыԥ ихы иархәаны аҳәынҭқарратә мазара мҽхакы ҭбаала еимҵәаны ихатәитәит ҳәа. Иҟаиҵаз аԥхасҭа 14,3 миллион мааҭ артәеит ҳәа иазыԥхьаӡоуп.
Абри аус ала ацәгьоура дацхраауан ҳәа гәҩарас дҟаҵоуп Надир Џьинал. Апрокуратура хада адыррақәа рыла, Агрбеи Џьинали еицәажәаны алашареи абжьи рзы амаругақәа излаҟамыз ала хәы ҳаракыла раагаразы ацәгьоуратә еиқәшаҳаҭра рыбжьарҵеит.