АҞӘА, нанҳәа 19 – Sputnik. 2020 шықәса раахыс Афедералтә шьҭазаара зганахьала ирылаҳәаз ахаҵа аурыс-аԥсуа ҳәаа аушьҭырҭатә ҭыԥ "Адлер" аҿы дааныркылеит ҳәа аанацҳауеит Урыстәыла АШәМ Краснодартәи атәылаҿацә аҿы Аҳәаахьчаратә усбарҭа апресс-маҵзура.
1969 шықәсазы ииз ахаҵа Урыстәылантәи Аԥсныҟа аиасра игәҭакын. Иара ишьақәыргылоу аԥҟарала аполициа дрыҭоуп анаҩстәи апроцессуалтә усқәа рымҩаԥгаразы.