АҞӘА, нанҳәа 19 - Sputnik. Арра-техникатә форум "Арра – 2022" аатит Аҟәа Урыстәылатәи арратә базаҿы Гәдоуҭа ҳәа аанацҳауеит ААО апресс-маҵзура.
Афорум мҩаԥысуеит Гәдоуҭа апарк "Патриот" аҵакыраҿы. Ацәыргақәҵатә ҭыԥқәа рҿы иӡыргоуп акәылӡтәы транспортиорқәа БТР-82АМ, азенит-ракетатә комплексқәа, аицҭырҟьара ракетатә системақәа "Град", акәылӡтәы машьынақәа "Тигр", аимадаратә станциақәа, атанкҿагылагатә ракетатә комплексқәа уҳәа егьырҭгьы.
Иара убасгьы афорум аҳәаақәа ирҭагӡаны имҩаԥгахоит акультура-сахьаҭыхратә, агәмырҿыӷьратә уснагӡатәқәа, аспорт-арратә хәмаррақәа, иаадыртуеит еилаӡарыла аррамаҵзура ахысрахь атәылауаа рнаԥхьараз аҭыԥ.
Арра-техникатә форум "Арра – 2022" Урыстәыла асубиектқәа жәба рырра-патриоттә паркқәа 16 рҿы имҩаԥгахоит. Иара убасгьы Аԥснеиԥш Ермантәылеи Аахыҵ Уаԥстәылеи рҵакырақәа рҿы иҟоу урыстәылатәи арратә базақәа рҿы имҩаԥгахоит.
Ауснагӡатә мҩаԥысуеит нанҳәа 19-21 рзы. Зынӡа арбаразы ицәыргахоит 250 бџьари техникеи, аҳаирпланқәа 5, аӷбақәеи ашхәақәеи 27.