АҞӘА, нанҳәа 19 - Sputnik. Аԥснытәи аҳазалхыҩцәа ҩымш рыҩнуҵҟа 16 000 контрабандатә сигарет ылырхит ҳәа аанацҳауеит Аҳәынҭқарратә ҳазалхратә еилакы.
Аҳазалхратә ҭыԥ "Ԥсоу" аҿы Аконтрабандеи аҳазалхратә зинеилагарақәеи рҿагылараз аҟәша аусзуҩцәа нанҳәа 16 рзы Аԥснынтәи ицоз автомашьынаҿ аԥснытәи акцизтә маркақәа зқәыз 8000 цыра ашәҟәы иҭагаламыз асигареҭқәа аадырԥшит.
Нанҳәа 17 рзы аҳазалхыҩцәа 7600 цыра аконтрабандатә сигареҭ аадырԥшит Урыстәыла атәылауаҩ зыԥсҟы икыз автомашьынаҿ.
Административтә зинеилагарақәа рзы аматериалқәа нашьҭуп ареспублика аҳазалхратә еилакы аҳазалхратә ҭҵаарақәа рыҟәшахьы.