Аҵыхәтәантәи амчыбжь азы УАМ иааиԥмырҟьаӡакәа атомтә станциа иақәкны ихысуеит. Еиду амилаҭқәа рхеилак амаӡаныҟәгаҩ хада Антониу Гутерреш Украина данаҭаауа аамҭазы, Киев Запорожиетәи атомтә фымцастанциа акәша-мыкәша апровокациа амҩаԥгара азнархиоит, ҳәа аҳәамҭа ҟаиҵахьан Урыстәыла Атәылахьчара аминистрра ахаҭарнак, аинрал-леитенант Игор Конашенков.
"Украина иҟоу атомтә станциақәа рацәоуп. Запорожиетәи акәша-мыкәша иҟоу ахҭысқәа иаҳнарбоит Украина ишьақәгылаз аполитикатә режим зынӡа ҽаанкылара шрымам. Арыцҳара ду ҟалозаргьы, аҿаԥхьагьы ишаанымгыло", - азгәеиҭеит Ҳагба.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.