АҞӘА, нанҳәа 22 – Sputnik. Аԥсны иҟоу Аладатәи арратә округ арратә база абылраҽацәыхьчаратә команда "амца" дырцәеит арратә техника апарк аҿы, аҽазыҟаҵарақәа рҳәаа иҭагӡаны, абри атәы аанацҳауеит аокруг апресс-маҵзура.
Аҷыдалкаатә ҭагылазаашьақәа иахьынӡарзыҟаҵоу аилкааразы абаза ахатә еилазаара агәҽанҵара роуит "аҵакыраҿы абылра" ҟалеит ҳәа.
Ишәарҭаз азона иалыргеит арратә техникеи амазареи.
Зынӡа ари ашәарҭара аԥыхра иалахәын 50-ҩык рҟынӡа аурыс арратә база аруаа.
Амцарцәаҩцәа рхы иадырхәеит ҳаамҭа иақәшәо амцарцәагақәа, иахьакәзаалак аныҟәара зылшо КамАЗ иатәу амцарцәаратә машьына АЦ-6-40 убрахь иналаҵаны.