АҞӘА, нанҳәа 25 - Sputnik. Аԥсны азыхиоуп Урыстәылеи Белоруссиеи рҳәынҭқарратә Еидгыла ареспублика алалара, абри азы аҳәамҭа ҟаиҵеит Аԥсны ахада Аслан Бжьаниа урыстәылатәи ажурналист Владимир Соловиов аинтервиу иҭо.
"Урыстәылеи Белоруссиеи рҳәынҭқарратә Еидгыла алалараз алшарақәа ҟалозар, ҳара ари аидеиа гәахәарыла иҳадаҳкылоит, ари аҩыза аҳәынҭқарра азинмч змоу лахәылак аҳасаб ала аҟалара ҳақәшаҳаҭуп. Аидгылатә ҳәынҭқарра аидеиа Аԥсны жәлар рмилаҭтә интересқәа ирықәшәоит", - иҳәеит Бжьаниа.
Ахада иажәақәа рыла, Аԥсны ибзианы еилыркаауеит иахьазы акыр еиҭашәаз адунеитә ҭагылазаашьааҟны Урыстәылеи Аԥсни реизыҟазаашьа аҵаҵӷәы ӷәӷәа амазаара акыр шаҵанакуа.