АҞӘА, нанҳәа 25 – Sputnik, Асмаҭ Ҵәыџьԥҳа. Иапониатәи ақәԥаратә ҟазарақәа аикидо, дзедо, кендзиуцу рзы амастер-классқәа Аԥсны имҩаԥыргоит нанҳәа 22 - 28 рзы, абри атәы Sputnik иазеиҭеиҳәеит дзедо европатәи Афедерациа урыстәылатәи аҟәша административтә директор Андреи Мариенков.
Иара иажәақәа рыла, аԥхынтәи ашкол апрограммала мышкы аҩныҵҟа ԥшьба-хәба ҽазыҟаҵара мҩаԥысуеит.
"Аикидо – бџьардатә ҟазароуп, кензиуцу-иапониатәи аҳәа иахыҵхырҭоу ҟазароуп, дзедо –алабашьа иахыҵхырҭо ҟазароуп. Аиҳарак алаҵәара амоуп – аикидо. Абџьартә ҟазара аҩныҵҟатә ҭагылазаашьа, аҩныҵҟатә ҟазшьа ацзароуп", - иҳәоит Мариенков.
Аԥснытәи аикидо Афедерациа атехникатә директор Алексеи Карчаа иазгәеиҭеит, асеиԥш иҟоу амастер-классқәа Аԥсны ақәԥаратә ҟазара аҿиара ишацхраауа.
"Асеиԥш иҟоу аиԥыларақәа ҳҽырзыҟаҵо ҳара ҳаҩныҵҟатә лшарақәа ҳарӷәӷәоит, аинформациа еимаадоит. Еиуеиԥшым арегионқәа арахь иаауеит, дасу ихазы иҿыцу акы ибоит", - иҳәеит иара.
Карчаа иҳәеит Аԥсны аикидо, дзедо, иаидо макьаназ алаҵәара душ рымам.