Аҵарашықәс аҽазыҟаҵара аԥхын иааԥмырҟьаӡакәа ицон уҳәар ауеит, избанзар алицеи-интернат иаҵанакуа ахылаԥшра зҭаху адгьыл маҷӡам, 12-ҩык аусзуҩцәа ԥсшьарада аԥхын аус руан лҳәеит Қапԥҳа аефир аҟны.
"Иахьа даҽа аамҭанык еиԥшымкәа аҭыӡқәа шәны, акласстә уадақәа, ашьҭаларҭа уадақәа азыҟаҵоуп ахәыҷқәа рыдкылара, ашәҟәқәа рылагьы ҳаиқәшәоуп. Даҽа аамҭанык еиԥшымкәа иаҳа ҳзеигәырӷьо хҭысны иҟоуп сынтәа иахьаартхо актәи, аҩбатәи аклассқәа. Анкьа ахԥатәи аклассқәа ракәын иҳадаҳкылоз, сынтәа алагарҭатә классқәа алагалоуп. Уи ҳҵара ахаҭабзиара аиӷьтәразы ииашан, избанзар ахәыҷы актәи акласс инаркны иаҳа арежим дашьцылоит, идыррақәагьы иаҳа иҭышәынтәалахоит", - лҳәеит Қапԥҳа.
Аицәажәара иаҳа инеиҵыхны ишәаҳар шәылшоит аудиофаил аҟны хыхь.