АҞӘА, цәыббра 7 - Sputnik. Аԥсны ахада Аслан Бжьаниа, Ҟарачы-Черқьесиа ахада Рашид Темрезов, Аахыҵ Уаԥстәыла ахада Алан Гаглоев ашәҭқәа шьҭарҵеит Черкесск Аиааира апарк аҟны игылоу "Кашәара зқәым Ахьӡ-Аԥша Амца" Амемориал амҵан. Абри атәы аанацҳауеит ахада ипресс-маҵзура.
Аԥсны ахада иара убас далахәын абаҟа "Аиааира згаз Асовет аруаҩ" амҵан ашәҭшьҭаҵара.
Аԥсны ахада Аслан Бжьаниа, Ҟарачы-Черқьесиа ахада Рашид Темрезов, Аахыҵ Уаԥстәыла ахада Алан Гаглоев.
© Foto / Пресс-служба президента Абхазии
Уаанӡа Аслан Бжьаниеи Ҟарачы-Черқьесиа ахада Рашид Темрезови еиԥылеит. Аԥсны ахада Темрезови ажәлар зегьи ареспублика ашьаҭаркра 100 шықәса ахыҵра рыдиныҳәалеит.