АҞӘА, цәыббра 9 - Sputnik. Аԥсны ахада Аслан Бжьаниа авидеоеимадарала диацәажәеит Ҟабарда-Балкариа ахада Казбек Коков, абри атәы аанацҳауеит ахада иусбарҭа.
"Ҳреспубликақәа еиуеиԥшым аусхкқәарҿы аусеицура бзиа рыбжьоуп. Наҟ-наҟгьы арҭ аизыҟазаашьақәа иҵегь хырхарҭа рацәала рырҿиареи рырҭбаареи азы ашьаҭа бзиа ҳамоуп", - иҳәеит Казбек Коков.
Аслан Бжьаниа иакәзар, иара агәрагара ааирԥшит Аԥсни Ҟабарда-Балкариеи реимадарақәа ԥхьаҟагьы ишыҿиало.
Аԥсны ахада ҞБА ахь днеит цәыббра 9 рзы Ҟабарда-Балкариатәи Ареспублика 100 шықәса ахыҵра азгәаҭара аҳаҭыр азы.