АҞӘА, цәыббра 11 - Sputnik. Аԥсны ахада Аслан Бжьаниа шьамтәылатәи иколлега Башар Асад иирамш идиныҳәалеит, абри атәы аанацҳауеит ахада ипресс-маҵзура.
"Агәраганы сыҟоуп Аԥсны Аҳәынҭқарреи Шьамтәылатәи Арабтә Республикеи реиҩызареи русеицуреи ԥхьаҟагьы ишыҿиало аҩтәылак рыжәларқәа ирзеиӷьхо амҩақәа рыла", - ҳәа ануп адныҳәалараҿы.
Аслан Бжьаниа иазгәеиҭеит Асад имчи илшеи зегьы шеиҭо итәыла аҭахрақәа адунеижәларбжьара рыхьчараан, иара изеиӷьеишьеит агәабзиара, аизҳазыӷьара, дызхагылоу амаҵура ҭакԥхықә аҿы ақәҿиарақәа.