АҞӘА, цәыббра 11 - Sputnik. Аԥсны ахаҭарнакцәа Башкириа аҳҭнықалақь Уфаҟа ицеит аҿар рграждантә форум "Йыйын молодежи-2022" иалахәхарц, абри атәы аанацҳауеит Аԥсны Аҿари аспорти рзы аҳәынҭеилакы.
Афорум аҿы Аԥсны ахьӡала иалахәуп Мадина Қәҭелиаԥҳа, Инал Инаԥшьба, Адгәыр Лазариа, Анна Голанӡиаԥҳа, Занда Шьанааԥҳа.
Уфа хынтәуп ари аҩыза афорум еиҿыркаауеижьҭеи, сынтәа иара цәыббра 12-14 рзы имҩаԥысуеит, уи иалахәхоит 18-35 шықәса зхыҵуа аҿар - ауаажәларратә усзуҩцәа, астудентцәеи аҿартә еиҿкаарақәа рхаҭарнакцәеи, анаплакыҩцәа, акультуреи аҟазареи русзуҩцәа уҳәа аӡәырҩы.