АҞӘА, цәыббра 14 - Sputnik. Аԥсны ахада Аслан Бжьаниа Урыстәыла Ашәарҭадаратә хеилак ахантәаҩ ихаҭыԥуаҩ Дмитри Медведев иирамш идиныҳәалеит ҳәа аанацҳауеит ахада ипресс-маҵзура.
Бжьаниа иазгәеиҭеит Медведев иԥсҭазаара зегьы Аԥсадгьыл амаҵ азуразы ҿырԥшыганы ишыҟоу.
"Ахәшьара уадаҩуп иахьатәи Аԥсны аҿиара аҟны шәлагала ду. Шәара аԥсуа жәлар рҭоурых аҟны шәаанхоит Аԥсны Аҳәынҭқарра ахьыԥшымра азхазҵаз Урыстәыла дуӡӡа ахадак иҳасаб ала", - ҳәа иҳәоит Аԥсны ахада.
Бжьаниа иазгәеиҭеит Урыстәыла анапхгара рполитика аҵыхәтәантәи ажәашықәсақәа рыҩнуҵҟа адунеитә ҳәынҭқаррақәа рыбжьара Урыстәыла ароль амчра ду аманы ишышьақәнарӷәӷәо.