АҞӘА, цәыббра 19 - Sputnik. Аԥсны ахада Аслан Бжьаниа Аԥсны иҟоу Урыстәыла ахәаахәҭратә хаҭарнак Залина Кобесова дылԥылеит, абри атәы аанацҳауеит ахада ипресс-маҵзура.
"Агәра згоит аекономикатә хырхарҭақәа рыла ҳусеицура акырӡа ишеиӷьхо. Ҳаизыҟазаашьақәа рырҿиараҿы адгылара ҟаҳҵалоит", - ҳәа инаҵшьны иҳәеит Аслан Бжьаниа.
Залина Кобесова Аԥсны Аҳәынҭқарраҿы Урыстәыла ахәаахәҭратә хаҭаранак ҿыц дҟаҵан нанҳәа 20 рзы, лнапынҵақәа рынагӡара далагеит цәыббра 1 инаркны. Кобесова ари аҭыԥ аҿы длыԥсахит Владимир Некрасов. Иара Аԥсны Аҳәынҭқарраҟны Урыстәылатәи Афедерациа ахәаахәҭратә хаҭарнакс хәышықәса дыҟан, имаҵура хатәгәаԥхарала иаанижьит.