Аԥсны

Аԥсны Апарламент Урыстәыла Аҳәынҭдумеи иареи русеицуразы аусутә гәыԥ еиҿнакааит

Аԥсны Апарламенти Афедерациа Ахеилаки ркомиссиа аԥҵоуп цәыббра 4 2008 шықәса рзы Москва нап зҵаҩыз апарламентбжьаратә усеицуразы Аиқәшаҳаҭра инақәыршәаны.
Sputnik
АҞӘА, цәыббра 19 - Sputnik. Аԥсны Жәлар Реизара изаамҭанытәим аԥхынтәи ааԥхьара аилатәараан Урыстәыла Аҳәынҭқарратә Дума аус ацуразы акомиссиа аԥҵаразы аӡбамҭа рыдыркылеит. Абри атәы аанацҳауеит Апарламент апресс-маҵзура.
Уи адагьы, ирыӡбеит иааиԥмырҟьаӡакәа аус зуа Аԥсны Апарламенти Афедерациа Ахеилаки ркомиссиа аилазаара гәыԥҩык адепутатцәа алаҵазарц.
Акомиссиа ахантәаҩыс далырхит Асҭамыр Аршба, ацхантәаҩыс - Алхас Барцыц. Иара убас иалалеит адепутатцәа Рашида Аиба, Ахра Ԥачлиа, Бадрик Ԥлиа, Леонид Лакербаиа, Адгәыр Ҳаразиа, Кан Кәарҷиа, Алиса Гәлариа, Инар Гыцба, Беслан Емырхәба, Герман Каҷараа.
Акомиссиа аусура ҳәаақәнаҵоит 2009 шықәса рашәара 9 рзы ишьақәырӷәӷәаз иара Арегламент ала. Акомиссиа шьақәгылоуп аурыси аԥсуеи хәҭақәа рыла, урҭ рыцԥхьаӡа ацхантәаҩцәа рымоуп.