АҞӘА, цәыббра 19 - Sputnik. Урыстәылатәи аҳауаҽацәыхьчаратә хархәагақәа Украина аҳаирмчқәа иртәыз аҳаирплан Су-25 Херсонтәи аобласт аҿы икарыжьит. Абри атәы аанацҳауеит Урыстәыла атәылахьчара аминистрра.
Аоператив-тактикатә авиациа, аракетатәи артиллериатәи ар уахыки-ҽнаки рыла УАМ анапхгараҭаратә гыларҭақәа быжьба, 52 артиллериатә ҟәша, 134 раион рҿы хыԥхьаӡара ари атехникеи ааха рырҭеит.
Уи адагьы икылкаау ахысрала ааха рыҭан Запорожтәи азауад "Искра" ацехқәа. Ара ЕАА иҭыжьу аицҭырҟьаратә реактивтә системақәа HIMARS аремонт рзыруан.
Уахык ала ааха рыҭан амеханизациа зызуу 53-тәи, 58-тәи, 93-тәи абригадақәа рыруааи ртехникеи, 80-тәи адесант-жәыларатә бригада. Иҭархан 200 –ҩык аибашьцәеи 11 ак акәылӡтехникеи.
Иара убасгьы УАМ 46-тәи аҳауамобилтә гәыԥ аибашьцәеи атехникеи ирыжәлан.
Атәылахьчара аусбарҭа иаанацҳауеит 59-тәи амотошьаҟауаатә бригада. Аӷа ицәыӡит 30-ҩык рҟынӡа аруаа, ахәрақәа роуит 50-ҩык рҟынӡа.
128-тәи ашьха-жәыларатә бригада, 102-тәи аҵакырахьчаратә бригада ргыларҭақәа рҿы ари атехникеи, амилаҭеилыхцәа рбаталион "Карпатская сечь" ааха рыҭан. Иҭархан 70-ҩык аибашьцәеи 4 ак акәылӡтехникеи.