АҞӘА, цәыббра 22- Sputnik. Аԥсны Атәылахьчара аминистрра аҳәамҭа ҟанаҵеит АИХқәа рҿы ирыларҵәоу Урыстәыла Атәылахьчара аминистр ихаҭыԥуаҩ Николаи Панков иажәақәа ҵаҵӷәы шрымам, ишымцу азы.
Уи адагьы, аусбарҭа иазгәанаҭеит Аԥсны арратә комиссар Беслан Ҭарба радио Sputnik аҟны ицәажәара аминистрра апозициа шаанамырԥшуа, иара ихатә знеишьа шакәу.
Аминистрра апресс-маҵзураҿы ирҳәеит аусбарҭа Аԥсни Урыстәылеи уаанӡа рнапы зҵарыҩхьоу аиқәшаҳаҭрақәа инарықәыршәаны аҿаԥхьа иқәгылоу аусдҵақәа шынанагӡо.