Иаанкыланы рҭархара: Аҟәа "атеррористцәа" шықәырхыз

Урҭ ирылахәын Аԥсны Аҳәынҭқарра амчратә усбарҭақәа - АШәМ, ААР, АҶА, иара убас Урыстәыла АШәМ русзуҩцәа.

Асценари инақәыршәаны, "атеррористцәа" амшынбаӷәаза иақәлан рнапаҿы иааргеит, атҟәацәа шасыртәит. Амчратә усзуҩцәа "атеррористцәа" шьны ауаа рхы иақәиҭыртәыр акәын.

Аҽазыҟаҵарақәа ирылахәын ашхәақәа фба, абронетранспортиор, ацхыррара ласы амашьына, амцарцәагатә машьына. Аоперациа аӡаҿи адгыьл аҿи имҩаԥысуан.

1 / 9

Атеррористцәа "рышьразы" амшынбаӷәазахь инеит акәылӡытранспортиор.

2 / 9

Амшын аҟынтәи амҩа ркын Урыстәыла АШәМ иатәу арратә шхәақәа ҩба.

3 / 9

Амшынбаӷәазахь инеит абаандаҩцәа зҭадыртәо амашьына.

4 / 9

Ҩыџьа аӡсаҩцәа аӡы ихәыҵҵны аӷба иақәлаз "атеррористцәа" иреихсны иҭадырхеит. Убри аамҭазы ашхәа иақәтәаны егьырҭ аруаа ҷыдацәа уи аӷбахь еихеит.

5 / 9

Аруаа минуҭқәак ирылагӡаны "атеррористцәа" шьны, атҟәацәа рхы иақәиҭыртәит.

6 / 9

Убри аамҭа инақәыршәаны амшын аҟынтә АҶА аусзуҩцәа амца зкыз уи аӷба арцәара иаҿуп.

7 / 9

Азыҟаҵара ҷыда змоу агәыԥ ажәылара иазыхиоуп.

8 / 9

Аруаа ашахақәа рыла абаӷәаза ахыб аҟынтәи аҩбатәи аихагылахь илбаауеит.

9 / 9

Аҽазыҟаҵарақәа анхыркәшаха, Аԥсны ахада Аслан Бжьаниа Ашәарҭадаратә маҵзура аиҳабы Роберт Киути Урыстәыла Афедералтә шәарҭадаратә маҵзура ахаҭарнаки ицны дара рахь днеит, иҭабуп ҳәа реиҳәеит инарыгӡаз русуразы, рыпрофессионалтә зыҟаҵаразы ирҽхәеит.