АҞӘА, цәыббра 25 - Sputnik. Амҵәышәымпыл азы 3х3 ҳәа жәларбжьаратәи ачемпионат "Аиҩызара Ахраҿа" мҩаԥысраны иҟоуп Аҟәа цәыббра 28 рзы, абри атәы аанацҳауеит Аԥсны Аҿари аспорти рзы Аҳәынҭеилакы.
Аицлабра иалахәхоит ахацәа ркомандақәа ааба Урыстәыла, Аԥсны, Белоруссиа рықалақьқәа рҟынтәи.
"Аԥсны еизгоу акоманда ари атурнир иахьалахәу иабзоураны ареспублика амҵәышәымпыл аҿиара иацхраауеит. Акоманда-алахәцәа ирзеиӷьасшьоит ахәмарра ԥшӡа аадырԥшырц", - иҳәеит Аԥсны Ашьапылампылтә федерациа аиҳабы Ерасҭ Агәмаа, иара ахәмарцәа ақәҿиарақәа рзеиӷьеишьеит.
Уи адагьы, ахәмаррақәа рнаҩс ашоу-программа ҟалоит, уи иалахәхоит акавер-гәыԥи аԥсуа милаҭтә ансамбли.