Аԥсны

Цәыббразтәи ахақәиҭра: Аҟәазы аибашьра

20:00, 27 Цәыббра 2022
Цәыббра 27 ҳреспубликаҿы иазгәарҭоит акыр зҵазкуа арыцхә - ақырҭуа мпыҵахалаҩцәа рҟынтәи аҳҭны қалақь Аҟәа ахақәиҭтәра.
Sputnik
Иахьатәи амш, 29 шықәса уажә аԥхьа, аԥсуа еибашьцәа ирылшеит аҳҭнықалақь агара. Ашьыбжьыжьҭахь асааҭ 15:30 минуҭи рзы Аиҳабыра рыҩны ахыбра иахашәыр-шәырит Аԥсны аҳәынҭқарра абираҟ. Аҟәа ахы иақәиҭтәын.
Цәыббра 16 рзы излагаз ажәыларақәа мҩаԥысуан Ачадара-Лечкоптә, Аҩадатәи, Алашарбагатәи ахырхарҭақәа рыла.
11 мшы ицоз аибашьра иалҵшәаны аԥсуа еибашьцәа аӷа дԥыххаса дықәҵаны аҳҭнықалақь Аҟәа ахы иақәиҭыртәит.
Аинформациатә маҵзура Sputnik Аԥсны ишәыднагалоит, аҳҭнықалақь агара аламҭалазтәии уи амш аҽни иҭыхыз афотосахьақәа.
1 / 22

Есышықәса Аԥсны Аџьынџьтәылатә еибашьраҿы игаз Аиааира амш азгәарҭоит цәыббра 30 рзы.

© Foto / фотоальбом "Аиааира"
2 / 22

Аҟәа ахақәиҭтәразы ажәылара хацыркын цәыббра 16, 1993 шықәсазы.

© Foto / Марина Барциц
3 / 22

Аԥсуа ар ржәылара. Аҟәа амҩадуқәа рыҟны аибашьра цон.

© Foto / фотоальбом "Аиааира"
4 / 22

Аԥсны ахьчараз абџьар шьҭырхиҭ аҭыԥҳацәагьы.

© Foto / фотоальбом "Аиааира"
5 / 22

Аҟәа агаразы, иааиԥмырҟьаӡакәа 11-мш аибашьра цон.

© Foto / фотоальбом "Аиааира"
6 / 22

Аԥсуа еибашьцәа аӷа дԥыхха ԥхьаҟа ицон.

© Foto / фотоальбом "Аиааира"
7 / 22

Ажәыларақәа мҩаԥысуан Ачадара-Лечкоптәи, Аҩадатәи, Алашарбагатәи ахырхарҭақәа рыла.

© Foto / фотоальбом "Аиааира"
8 / 22

Ақалақь мҩацыԥхьаӡа аибашьра ӷәӷәа цон.

© Foto / Андрей Соловьев
9 / 22

Аҟәа агаразы ажәылараан аԥсуа еибашьцәа ақалақь ауааԥсыра рыхьчон.

© Foto / фотоальбом "Аиааира"
10 / 22

Зықәра ыҟази ахәыҷқәеи акыраамҭа Аҟәа иалаханы иҟан.

© Foto / фотоальбом "Аиааира"
11 / 22

Аҟәа ахақәиҭтәраан Гәдоуҭатәи аибашьҩы Владимир Каленџьи аҷкәын хәыҷы деиқәирхоит.

© Foto / Андрей Соловьев
12 / 22

Аибашьра аҵыхәтәа ааигәахон.

© Foto / фотоальбом "Аиааира"
13 / 22

Ауадаҩрақәа шыҟазгьы, ауааԥсыра ирдыруан лассы аиааира шыҟалоз.

© Foto / фотоальбом "Аиааира"
14 / 22

Аԥсуа танкқәа ақалақь иалалеит.

© Foto / фотоальбом "Аиааира"
15 / 22

Қырҭтәыла ахада Едуард Шеварднадӡе Аҟәа Аиҳабыра рыҩны аҿаԥхьа. Цәыббра 23, 1993 шықәсазы.

© Foto / фотоальбом "Аиааира"
16 / 22

Цәыббра 27, 1993 шықәсазы аԥсуа еибашьцәа Аҟәа агәанынӡа иааӡеит.

© Foto / фотоальбом "Аиааира"
17 / 22

Гәымсҭатәи ахырӷәӷәарҭа адҵаҟаҵаҩ, аинрал Сергеи Дбари абаталион адҵаҟаҵҩ Салыбеи (Ака) Арӡынбеи. Цәыббра 27, 1993 ш.

© Foto / фотоальбом "Аиааира"
18 / 22

Цәыббра 27 асааҭ 15:30 рзы Аԥсны аиҳабыра рыҩны ахыбра иахаргылан Аԥсуа Ҳәынҭқарра абираҟ.

© Foto / фотоальбом "Аиааира"
19 / 22

Аҟәа ҳаибашьцәа рнапахьы ианааргаз амш-зегь ргәырӷьара ҳәаак амамызт.

© Foto / фотоальбом "Аиааира"
20 / 22

Аԥсуа еибашьцәа Аиҳабыра рыҩны аҟны итәаз аӷацәа зегьы ршьаҟьеит.

© Foto / фотоальбом "Аиааира"
21 / 22

Аҵыхәтәантәи ажәылара иалахәын хатәгәаԥхарала еибашьуаз Нхыҵ Кавказнтәи ҳашьцәа.

© Фото : фотоальбом "Аиааира"
22 / 22

Бџьарла еибыҭаз Қырҭтәыла арбџьармчқәа Аԥсны аҳҭнықалақь иалҵит цәыббра 27, 1993 шықәсазы.

© Foto / фотоальбом "Аиааира"
АԥсныАфотосахьақәа