АҞӘА, цәыббра 27 - Sputnik. Урыстәыла аҳаир-космостә Мчрақәа шәҩык рҟынӡа ахықәк ҷыдақәа змоу 9-тәи аполк "Гепард" аибашьцәеи 50-ҩык инареиҳаны қьырала еибашьуази ндырҵәеит ҳәа аанацҳауеит Атәылахьчара аминистрра.
Николаев икылкаан ихысуа абџьар ала ааха арҭеит УАМ амотошьаҟтә 59-тәи абригада аамҭалатәи агыларҭа. Иҭархоуп 50-ҩык рҟынӡа аруаа, 5 ак аибашьыга техника.
150-ҩык украинатәи аруаа ҭархан ДЖәР аҿы УАМ 81-тәи аеромобилтә бригада аамҭалатәи агыларҭа аехсраан.
Уахыки-ҽнаки рыла аоператив-тактикатә авиациа, аракетатә ар, артиллериа ааха арҭеит УАМ анапхгараҭаратә пунктқәа фба, 62 артиллериатә ҟәша, ар, аибашьыга техника, аџьаԥҳанышьҭаҵарҭақәа хԥа, аԥырҩы дызҭам ахархәагақәа "Байрактар" рнапхгараҭаратә станциа.
Аусбарҭа адыррала икажьуп ҩ-ҳаирпланк МиГ-29 Херсонтәи аобласт аҿы. Херсони Херсонтәии Харковтәии аобластқәа рҿы ПВО икарыжьит аԥырҩы дызҭам ахархәагақәа быжьба, атактикатә ракета "Точка-У", РСЗО HIMARS - 17 хгәыцә.