АҞӘА, цәыббра 29 - Sputnik. Акоманда "Самара 3х3" амҵәышәымпыл азы Аиҩызара Ахраҿа 3х3 аҟны иаиааиит ҳәа аанацҳауеит аҿари аспорти рзы Аҳәынҭеилакы.
Самаратәи аспортсменцәа "Суперкубок #UCl3x3" ахь рымҩа аартхеит. Атурнир мҩаԥгахоит абҵара 12 азы, Калуга.
Аҩбатәи аҭыԥ ннакылеит акоманда "Bad Boys" (Брианск), ахԥатәи – "Guns n Balls" (Тула).
Мышктәи аицлабра иалахәын Урыстәыла, Аԥсны, Белоруссиа рҟынтәи аа-командак.
Иаабац амҵәышәымпыл аицлабра 3х3 излеиԥшым ҭаршәырҭа заҵәык ауп иамоу, ахәмарҩцәа командацыԥхьаӡа хҩык-хҩык ыҟоуп. Аиааира ргоит раԥхьа 21 очко зауа мамзаргьы жәа-минуҭк рыҩнуҵҟа еиҳаны аочкоқәа зауа.