АҞӘА, цәыббра 29 - Sputnik. Очамчыра аус зуаз еиҭаҵуа аблагәаҭаратә центр аусура иацҵахоит цәыббра 29, 30 рзгьы ҳәа аанацҳауеит Агәабзиарахьчара аминистрра апресс-маҵзура.
Аҳақьымцәа ирҭаауа рыдыркылоит асааҭ 09:00 инаркны 14:00 рҟынӡа.
Ацентр аҿы ирыдыркылоит 18 шықәса ирҭысхьоу атәылауаа. Заанаҵы ашәҟәы аҽанҵара аҭахым, амаҵзура хәыда-ԥсадоуп.
Иара убасгьы аҳақьымцәа ирыдыркылоит 10 шықәса иреиҳау ахәыҷқәа, ахәыҷтәы офтольмологцәа рсертификатқәа ахьрымоу азы.
Аҳақьым Шаталов иитәу Абла аԥҟарамаҷ еиҭаҵуа адиагностикатә центр Аԥсны аусура иалагеит атәыла ахада Аслан Бжьаниа иаԥшьгарала Агәабзиара аминистрра адгыларала. Адиагностикатә центр Аԥсны егьырҭ араионқәа рахь ианнеиуа Агәабзиарахьчара аминистрра заа адырра ҟанаҵалоит.