АҞӘА, цәыббра 30 – Sputnik. Урыстәыла Афедералтә Еизареи Аҳәынҭқарратә Думеи рнапхгаҩцәа Валентина Матвиенкои Виачеслав Володини Аԥсны Жәлар Реизара ахантәаҩы Лаша Ашәба Аиааиреи Ахьыԥшымреи Рымш идырныҳәалеит.
"Урыстәылеи Аԥсни аиҩызареи, аҳаҭыри, агәрагареи еиднакылоит. Урыстәылатәи афедерациаҟны гәыкала ирҭахәуп Аԥсны иӷәӷәоу, иҿиоу, иҭышәынтәалоу ҳәынҭқарраны иҟазарц", - аҳәоит адныҳәалараҿы.
Урыстәыла Афедералтә Еизара ахада аԥсуа жәлар аҭынчреи аизҳазыӷьареи рзеиӷьалшьеит.
Аҳәынҭқарратә Дума ахада Виачеслав Володин иазгәеиҭеит ҩ-тәылак рзакәанԥҵаратә усбарҭақәа русеицура аҵак ду шамоу, атәылауаа аихьӡарақәеи аҭышәынтәалареи рзеиӷьеишьеит.