АҞӘА, жьҭаара 1 - Sputnik, Сариа Кәарцхьиаԥҳа. Аԥсуа шәаҳәаҩы Саида Агрԥҳа амузыкатә шоу "Ну-ка, все вместе" афиналбжахь днеит.
Саида Агрԥҳа амузыкатә шоу "Ну-ка, все вместе" аҟны Селин Дион лашәа "My heart will go on" налыгӡеит, уи алагьы 95 бжьы лоуит, аха уи азымхеит афиналбжахь анеиразы.
"Анаҩс ашоу алахәылакгьы саргьы еиҭах ашәак-ашәак ҳҳәеит. Уаҟа 98 балл соуит, уи алагьы афиналбжахь снеит", - лҳәеит Саида Агрԥҳа.
Саида ашоу ахь днеит илыдгылоз агәыԥ ада, уи аицлабра аиҿкааҩцәеи аӡбаҩцәеи иџьаршьеит. Саида лажәақәа рыла, ашоу дшалахәхоз лҭаацәа иралымҳәаӡеит.
"Ахәаԥшцәа адгылара ӷәӷәа сырҭеит. Аиашазы, акы саиааип ҳәа акәӡам уахь сызцаз. Асцена гәхьаазгон. Сгәы хыҭхыҭуан, аха агәахәара ду соуит", - лҳәеит ашәаҳәаҩ.
Саида Агрԥҳа - еицырдыруа аԥсуа шәаҳәаҩы, амузыкатә проект "Apsny-Star" даиааит. Аҟәатәи аҳәынҭқарратә амузыкатә ҵараиурҭа доушьҭымҭоуп, Москватәи Аҳәынҭқарратә акультура аинститут аестрада-аџьаз акафедра далгеит. Лариса Долина дылҵаҩуп.
Агрԥҳа ашәаҳәаразы азыҟаҵара дахысуан Дориан Холли иҟны, уи ашәаҳәаҩцәа Маикл Џьексони, Селин Диони, Беионсе рҵаҩыс дрыман.