АҞӘА, жьҭаара 2 - Sputnik. Аԥсны Апарламент аиҳабы Лаша Ашәба зхадараҿы дыҟоу аделегациа Москваҟа инеит аофициалтә еиԥыларақәа рымҩаԥгаразы. Абри атәы аанацҳауеит Жәлар Реизара апресс-маҵзура.
Иазгәаҭаны иҟоуп Урыстәыла Афедералтә Еизара Аҳәынҭқарратә ДУма ахантәаҩы Виачеслав Володини Афедерациа Ахеилак ахантәаҩы ихаҭыԥуаҩ Константин Косачиови рԥылара.
Аҳаирбаӷәазаҿы аԥснытәи аделегациа дырԥылеит Аҳәынҭдума ахантәаҩы ихаҭыԥуаҩ Сергеи Неверов.
Аԥсны Апарламент аделегациа Москва иҟазаауеит жьҭаара 6 рҟынӡа.