АҞӘА, жьҭаара 4 - Sputnik, Бадраҟ Аҩӡба. Атеатр афишеи атеатртә графикеи рцәыргақәҵа аатит Самсон Ҷанба ихьӡ зху Аԥсуа драматә театр аҿы жьҭаара 4 азы.
"Иахьа, Москватәи "Електротеатр" ацәамаҭәақәа рзы асахьаҭыхыҩ Анастасиа Нефедова лцәыргақәҵа аатуеит. Ара аексперементалтә спектакльқәа ирҭыԥуп, ара ухаҿы иузаамго ацәамаҭәақәа ираҳроуп", - лҳәеит афестиваль аиҿкааҩцәа ируаӡәку Софиа Бычкова.
Анастасиа Нефедова лусумҭақәа рыдагьы атеатр аҿы иәыргақәҵан Аԥсуа драматә театр иқәнаргылахьаз, еицырдыруа аспектакльқәа рафишақәа.
Москватәи асахьаҭыхыҩ имҩаԥылгеит аҟазаратә-класс, еизаз ирзеиҭалҳәеит лырҿиара аҭоурых.
"Агәахәара ду аҵоуп атеатр афоие аҿы ҳахьеиԥыло. Афоие еснагь уззыԥшу ссирӡак иаҿышәҭоуп, иаҩналарҭоуп", - лҳәеит Анастасиа Нефедова.
Ацәыргақәҵа жьҭаара 7 аҟынӡа иаартхоит.
Нарҭиада аҳәаақәа иҭагӡаны жьҭаара 3-7 рзы еиуеиԥшым аҭыԥқәа рҿы иӡыргахоит урыстәылатәи асахьаҭыхыҩцәа: арт-инсталиациа азҟаза Марусиа Борисова-Севастианова, аскульптор, адизаинер-флорист Светлана Евдокимова, атеатри акинои рсахьаҭыхыҩ, аԥхьахә "Ахьтәы сабарда" занашьоу Анастасиа Нефедова, асахьаҭыхыҩ Улиана Подкорытова, аграфик Алексеи Риттенберга, Урыстәыла авидеоарт ахыҵхырҭаҿ игылаз Ольга Тобрелутс русумҭақәа.