40 шықәса иреиҳауп Белла Ашәԥҳа рҵаҩыс аус луеижьҭеи, уи инаҷыданы, лани лабгьы ари азанааҭ иадҳәалан. Арҵаҩы ироль даара идууп, арҵаҩра бзиа изымба ашкол ааигәара дымнеиуазароуп ҳәа азгәалҭеит аиҿцәажәараҿы Ашәԥҳа.
"Асовет аамҭазы даара азҿлымҳара азыҳашьҭуан ахәҷы апатриотизм илааӡаразы. Ахәыҷтәы хеилакқәа рацәан усҟан. Иахьа уи маҷк иҳагуп. Алеишәа рыланааӡоит", - азгәалҭеит Ашәԥҳа.
Арҵаҩы аҭеиҭыԥш аганахьалагьы дышҿырԥшыгоу, лара акласс даныҩнала нахыс ахәыҷқәа лыхәаԥшуеит, ишахәҭоу деилаҳәазароуп, лгәалаҟазаара бзиазароуп, ҳәа инаҵылшьит Аԥсны Зҽаԥсазтәыз арҵаҩы.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.