"Ԥсра зқәым архәҭа", Аԥсны аҭоурых: Гагра араион ахақәиҭтәра амш

Қырҭтәыла Аҳәынҭсовет архәҭақәа рҟынтәи Гагра араион ахақәиҭтәра амш 30 шықәса аҵра мҽхакыҭбаала иазгәарҭеит жьҭаара 6 рзы.

Аԥсны аиҳабыра, Аџьынџьтәылатә еибашьра аветеранцәеи ахатәгәаԥхаҩцәеи, иҭахаз рҭаацәа, ауаажәларра ашәҭшьыҵәрақәа шьҭарҵеит иҭахаз аибашьцәа рбаҟа амҵан. Иара убас, Гагра имҩаԥысит 112-ҩык аҭыԥантәи аҵаҩцәа злахәыз "Ԥсра зқәым архәҭа". Ашколхәыҷқәа Гагра зхы ақәызҵаз аибашьцәа рфотосахьақәа кны Аԥсны раԥхьатәи ахада Владислав Арӡынба ибаҟа аҟынтәи ақалақьтә стадион аҟынӡа имҩасит, урҭ мҩаԥыргон аҽыуаа.

Астадион аҟны имҩаԥган аныҳәатә усмҩаԥгатә ахәҭа хада. Еизаз Гагра ахақәиҭтәра амш рыдныҳәало дықәгылеит Аҳәынҭқарра ахада Аслан Бжьаниа.

Аҳәынҭқарратә драматә театр арежиссиор Мадина Аргәын актиорцәеи ашколхәыҷқәеи алархәны иқәлыргылеит Аԥсны ажәытәӡа инаркны иахьанӡа аҭоурых зныԥшуаз атеатралтә қәыргыламҭа. Уи иалахәын 300-ҩык рҟынӡа.

Аныҳәа хыркәшан ф-минуҭк иҟаз асалиут ала.

Нанҳәа 15, 1992 шықәсазы Қырҭтәыла Аҳәынҭсовет архәҭақәа Гагра араион адисант дыртәеит. Жьҭаара 2 рзы аԥсуа еибашьцәа жәылеит Гагра ахақәиҭтәраз, иагьхдыркәшеит иааирала жьҭаара 6 рзы.

1 / 13

Гагра араион ақырҭуа мпыҵахалаҩцәа рҟынтәи ахы иақәиҭтәуижьҭеи 30 шықәса ҵит. Аԥсны ахада Аслан Бжьаниа Гагра иҭахаз рбаҟа амҵан ашәҭқәа шьҭеиҵеит.

2 / 13

Акция "Ԥсра зқәым архәҭа".

3 / 13

Гагра араион ахақәиҭтәраан иҭахаз аибашьцәа рфотосахьақәа кны 112-ҩык ашколхәыҷқәа акциа "Ԥсра зқәым архәҭа" рхы аладырхәит.

4 / 13

"Ԥсра зқәым архәҭа" алахәылацәа Аԥсны раԥхьатәи ахада Владислав Арӡынба ибаҟа аҟынтәи ақалақьтә стадион аҟынӡа имҩасит.

5 / 13

Аныҳәатә усмҩаԥгатәқәа рыхәҭак мҩаԥган гагратәи астадион аҟны.

6 / 13

Аҳәынҭқарратә драматә театр арежиссиор Мадина Аргәын актиорцәеи ашколхәыҷқәеи алархәны иқәлыргылеит Аԥсны аҭоурых зныԥшуаз атеатралтә қәыргыламҭа.

7 / 13

Атеатралтә қәыргыламҭа иалахәын 300-ҩык рҟынӡа.

8 / 13

Ақәыргыламҭа авторцәа иаадырԥшит Аԥсны аҭоурых аҟны акыр зҵазкуа ахҭысқәа.

9 / 13

Ҳтәыла аҭоурых ахәаԥшцәа ирызнаган атетралтә қәгыларалеи, шәаҳәаралеи, кәашаралеи.

10 / 13

Аԥсуа жәлар егьа гәаҟра хьанҭа рхыргазаргьы, фырхаҵарыла ирылшеит рыԥсадгьыли рыжәлари аиқәырхара.

11 / 13

Аԥсуа еибашьцәа аӷа дықәцаны аиааира ахьырго аазырԥшо ақәыргыламҭа ацыԥҵәаха.

12 / 13

Аконцерттә программа шьақәгылан ашәаҳәаратәи акәашаратәи ансамбльқәа рыла.

13 / 13

Аныҳәа хыркәшан ф-минуҭк иҟаз иршанхагаз асалиут ала.