АҞӘА, жьҭаара 13 – Sputnik. 2022 шықәса иалагазар Аԥсны ашәҟәы иҭагалоу амашьынақәа аҳазалхратә шәарақәа рыда Урыстәылаҟа ралагаларазы ашьауӷатә усқәа ааба хацыркуп. Абри атәы аанацҳауеит Санкт-Петербургтәи аҳазалхырҭа апресс-маҵзура.
Ашьауӷатә усқәа ахатә хаҿқәа рганахьала ихацыркуп, дара Урыстәыла иатәылауаауп.
Амашьынақәа Урыстәылаҟа иалыргалон аҳазалхратә шәарақәа рҟынтәи зых иақәиҭу жәарбжьаратәи амҩангагатә транспорт еиԥш. Аиагараан аҳазалхыҩцәа иԥаршеиу ашәҟәқәа ддырбон.
Ишәам аҳазалхратә шәарақәа рыхәԥса 17 миллион мааҭ иартәоит.