АҞӘА, жьҭаара 14 – Sputnik. Амилициа аполковник Беслан Ҷкадуа Аԥсны аҩнуҵҟатәи аусқәа рминистр ихаҭыԥуаҩыс дҟаҵоуп, абри атәы аанацҳауеит аусбарҭа апресс-маҵзура.
Ҷкадуа 2011 шықәса раахыс Аԥсны аҩнуҵҟатәи аусқәа рминистрра асистемаҿы аус иуеит: Аԥсны ААР ахатә шәарҭадара Аусбарҭа аиҳабы ихаҭыԥуаҩыс; Аԥсны ААР ахатә шәарҭадара Аусбарҭа аиҳабыс.
2015 – 2017 шш. рзы Аԥсны ААР анапхгаратә маҵзурақәа дырхагылан. 2020 шықәсазы аминистр ихаҭыԥуаҩыс дҟаҵан.
Лаҵарамза 2022 шықәсазы Аԥсны ахада иусԥҟала Аҳәынҭқарратә хьчара амаҵзура аиҳабы ихаҭыԥуаҩыс дҟаҵан .