АҞӘА, жьҭаара 18 – Sputnik. 2022 шықәсазы ацитрусқәа рекспорт 50 000 тонна рҟынӡа инаӡар ҟалоит ҳәа арадио Sputnik иазеиҭеиҳәеит аԥыза-министр актәи ихаҭыԥуаҩ, ақыҭанхамҩа аминистр Беслан Џьопуа.
Иара иҳәеит ари аҩыза арбага аибашьра ашьҭахь раԥхьаӡа акәны 2020 шықәсазы аҭыԥ шамаз.
Аминистр иажәақәа рыла, аҽаҩра бзиахеит ареспубликаҿ иҟаз аҳауатә ҭагылазаашьа маншәала иабзоураны.