АҞӘА, жьҭаара 21 - Sputnik. Аҳақьым Шаталов иитәу Абла аԥҟарамаҷ еиҭаҵуа адиагностикатә центр аҳақьымцәа Афон Ҿыц жьҭаара 24 – 25 рзы ауааԥсыра рыдкылара иалагоит ҳәа аанацҳауеит Агәабзиарахьчара аминистрра.
Адкылара мҩаԥысоит асааҭ 09:00 - 17:00 рҟынӡа ақалақьтә хәшәтырҭаҿы – Ладариа имҩа 7.
Адуцәа реиԥш быжьшықәса ирҭысхьоу ахәыҷқәагьы рыдыркылоит. Аԥсны ауааԥсыра рхаҭара шьақәзыргыло ашәҟәы рымазароуп. Убри аан аӡәгьы ахьҭа илаланы дыҟамзароуп.