АҞӘА, жьҭаара 24 – Sputnik, Бадри Есиава. ЕгрыГЕС абҵарамза анҵәамҭаз алшарақәа ԥкхар алшоит аӡлеира аԥсыҽхареи ауааԥсыра афымцамч рацәаны рхы иахьадырхәои иахҟьаны. Абри Sputnik иазеиҭеиҳәеит астанциа адиректор хада Леван Мебониа.
"Мызки бжаки инарзынаԥшуа аӡы аҩаӡара 445 метра иҟан. Уажәы - 441 метра рҟынӡа илеит. Ҭагалантәи ақәоурақәа амыхәеит. Мшаԥымза агәанынӡа аӡы аҩаӡара зхалом. Заҟа аӡы леиуа аҟара афымцамчхарагь ҟалоит", - ҳәа иҳәеит иара.
Мебониа иажәақәа рыла аҳауатә ҭагылазаашьеи ахьҭақәа ирыхҟьаны ауааԥсыра заҟа афымцамч рхы иадырхәои инарыдҳәаланы абҵара анҵәамҭаз аиҭакрақәа ҟалоит.