АҞӘА, жьҭаара 25 – Sputnik. Амра атыҩ ишакуа Шәача иубар алшоит ҳәа аанацҳауеит Sochi News.
Амреи амзеи реиԥылара мҩаԥысуеит асааҭ 12:35 рзы. Нас маҷ-маҷ амза амра хнаҩоит ҳәа еиҭеиҳәоит КубАУ астрофизикатә обсерваториа аиҳабы Александр Иванов.
Амра атыҩ иакуеит 61% рҟынӡа. Ари ҟалоит асааҭ 14:00 рзы. Асааҭ 15:00 рзы Амра атыҩ иҵыҵуеит.
Жьҭаара 25 рзы Аԥсны амш бзиоуп, убри азы ареспублика аҵакыраҿгьы ари ацәырҵра убарҭахоит.