АҞӘА, жьҭаара 26 – Sputnik. Аԥсны ашколқәа рырҵаратә программа Аԥшьаҩыра алагалара ауеит ҳәа иҳәеит ареспублика Аҵареи абызшәатә политикеи рминистр Инал Габлиа Аҟәатәи адоуҳатә ҵараиурҭахь астудентцәа ҿыцқәа рыдкылара аофициалтә усмҩаԥгатә аҟны.
"Сара агәра шәсыргоит Аԥсны ашколқәа рырҵаратә программа Аԥшьаҩыра алагалара ишазыхиоу", - ҳәа иҳәеит иара.
Габлиа агәыӷра ааирԥшит Аԥшьашәҟәы, Аԥшьаҩыра, Евангелие рдырра ашкол аҟынтә ишалагатәу.
"Ари аамҭа аҭахра акәӡам. Ари ҳара қьырсианцәақәак, Иаса Қырса идгылаҩцәа аԥшьажәа ахьырҳәоз инхо рыҳасаб ала иаҳуалу усуп. Арҭ адыррақәа аҿар ирызнагалатәуп", - ҳәа иҳәеит аминистр.
Габлиа иара убасгьы ҿырԥшны иааигеит, ааигәа усутә ныҟәарыла дахьыҟаз беларуссиатәи Ареспубликаҿы Аԥшьашәҟәы адырра ашколтә программа ишалагалоу.