АҞӘА, жьҭаара 28 – Sputnik. Аҳақьым Шаталов иитәу Абла аԥҟарамаҷ еиҭаҵуа адиагностикатә центр аҳақьымцәа гәыӡера аусура иалагоит ҳәа аанацҳауеит Агәабзиарахьчара аминистрра.
Аҳақьымцәа ауааԥсыра рыдкылара иалагоит жьҭаара 29- 30 рзы асааҭ 09:00 -17:00 рҟынӡа, араионтә хәшәтәырҭа ахыбра ашҭаҟны.
Дарбанзаалак илшоит хәыда-ԥсада иблабара агәаҭара. Урыстәылатәи аҟазацәа адуцәа реиԥш быжьшықәса ирҭысхьоу ахәыҷқәагьы рыблақәа гәарҭоит. Ацентр аҭаараан ухаҭара шьақәзыргыло ашәҟәы уцзароуп, убри аан аӡәгьы ахьҭа илаланы дыҟамзароуп.