АҞӘА, жьҭаара 30 - Sputnik. Аԥсны ахада Аслан Бжьаниа Аполитикатә репрессиақәа ирылаӡыз рбаҟа амҵан ашәҭқәа шьҭеиҵеит.
Аԥснытәи Ассоциациа адыррақәа рыла, ХХ ашәышықәса 30-40-тәи ашықәсқәа рзы Аԥсны ахара рыдҵан иҭархан быжьнызқьҩык рҟынӡа ауаа. Аполитикатә репрессиақәа раан иҭахаз рреабилитациа Асовет Еидгылаҿы иалагеит 1954 ш. рзы, Сталин иԥсҭазаара даналҵ ашьҭахь. 1960-тәи ашықәсқәа раан ари аус аанкылан, анаҩс иацҵахеит 1980-тәи ашықәсқәа рынҵәамҭазы.
Жьҭаара 30 рзы 2006 шықәса раахыс Аԥсны иазгәарҭоит Аполитикатә репрессиақәа ирылаӡыз рымш.