Сариа Кәарцхьиаԥҳа, Sputnik
Аԥсуа ҳәынҭқарратә ҿар ртеатр
Жьҭаара 31 асааҭ 19:00 - “Ҳауа еиҳа иӷәӷәада”. Аспектакль аԥсуа лакәқәа рмотивқәа рыла иқәыргылоуп. Апиеса ахшыҩи агәеилцареи ишрылшо ақәҿиарақәа, аҩызцәа роура атәы еиҭанаҳәоит.
Абҵара 2 сааҭ 19:00 азы имҩаԥгахоит аспектакль "Аԥсҭазаара ахаҿсахьа". Атеатр актиорцәа Шоҭа Ҷкадуа, Шьалодиа Аџьынџьал, Таиф Аџьба рырҿиамҭақәа ирылхны аскетчқәа ҳдырбоит.
РУСДРАМ
Жьҭаара 31 сааҭ 19:00 рзы "Амра ашәахәақәа зхьыршо" аԥхьарбара мҩаԥгахоит. Амоноспектакль налыгӡоит актриса Ирина Делԥҳа. Арежиссиор-ақәыргылаҩ Антон Корнилов.
Пресс- конференция, посвященная премьере моноспектакля Ирины Делба "В лучах"
© Sputnik / Марианна Кубрава
Абҵара 1 асааҭ 19:00 рзы– “MARQUEZ. Азаҵәра аԥхыӡқәа”. Арежиссиор Мариа Романова. Аспектакль Габриель Гарсиа Маркес ироман “Шәышықәсатәи азаҵәра” шьаҭас иамоуп. "MARQUEZ. Азаҵәра аԥхыӡқәа" – амагиатә реализм аҟазшьақәа змоу фантазиоуп, актиортә усура ссируп, акомедиа инаркны атрагедиа аҟынӡа ажанрқәа еилаӡҩоуп.
Абҵара 3, 4 асааҭ 19:00 рзы - “Абырг Хабыгә игәыжь ажәабжь”. Арежиссиор Антон Корнилов. Аспектакль Фазиль Искандер иҩымҭа "Сандро Чегьемтәи" шьаҭас иамоуп. Акомедиа XX ашәышықәсазтәи Аԥсны аҭоурых атәы аҳәоит.
Мул старого Хабуга
© Sputnik / Томас Тхайцук
Абҵара 5 асааҭ 15:00 рзы- “Апринцессеи аҳәахьчаҩи”. Арежиссиор Џьамбул Жорданиа. Аспектакль Ганс Христиан Андерсен илакә шьаҭаны иазыҟоуп.
Абҵара 6 сааҭ 19:00 рзы РУСДРАМ аҿы иддырбоит “Аклиникатә хҭыс” (арежиссиор-ақәыргылаҩ Сергеи Ефремов).
SKLAD
Абҵара 2 асааҭ 19:00 рзы - акинорбара “Аҳақьым Стреинџьлав, ма сара агәыхыҭхыҭра сшаиааизи атомтә бомба бзиа ишызбази” -Стенли Кубрик.
Мықәтәи Анцәа иан луахәама
Абҵара 6 асааҭ 13:00 рзы Сретентәи аберҭыԥ ахори Аԥсны Аҳәынҭқарратә хортә капеллеи агәыҳалалратә концерт мҩаԥыргоит Мықәтәи ауахәамаҿы.