Аԥсны аҵара аминистрреи Росавиациеи алаҳәара ҟарҵоит 2023-2024 шықәсқәа рзы аграждантә авиациаз иреиҳау аҵараиурҭахь абитуринентцәа шаарыԥхьо. Аминистрра ауаажәларра рымадаразы аҟәша аиҳабы Аслан Қәтелиа арадио Sputnik иазеиҭеиҳәеит, ари ахырхарҭа азҿлымҳара ахьынӡамоу.
Аҳаирбаӷәаза аусура алагаразы имҩаԥысуеит еиуеиԥшым аусмҩаԥгатәқәа, уи иазырхоуп акадрқәагьы разыҟаҵара ҳәа азгәаиҭеит Қәҭелиа аицәажәараҿы.
"Иахьа иалагатәуп аспециалистцәа рааӡара, анаҩс аҳаирбаӷәаза анаартха аамҭазы урҭ ыҟазарц. Иахьазы 30 ҭыԥ инареиҳаны иҳамоуп 12 университет рҟынтә, Питер, Москва, Ростов уҳәа Урыстәыла еиуеиԥшым ақалақь рахьынтә. Агәазаҳәара змоу аграждантә авиациа ахырхарҭақәа рыла алшара ыҟоуп хәыда-ԥсада аҵара ҵара", - ҳәа иҳәеит Қәҭелиа.
Қәҭелиа еиҭеиҳәеит, агәаҳәара змоу арзаҳалқәа аларҵар ахьахәҭоу, насгьы уи азы иазыԥҵәоу аамҭоу атәы.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.