АҞӘА, абҵара 9 - Sputnik. Аԥсны Адәныҟатәи аусқәа рминистр Инал Арӡынба Москва, Урыстәыла иҟоу Шьамтәылатәи Арабтә республика ацҳаражәҳәаҩ Башар Џьаафари диԥылеит ҳәа аанацҳауеит Аԥсны ААР Амедиацентр.
Арӡынба Џьаафари идиныҳәалеит ари аус ҿыц иахагылара.
Аганқәа алацәажәеит Аԥсни Шьамтәылеи рҳәынҭқаррабжьаратә еинырраз хра злоу аполитикатә, аекономикатә, агуманитартә усхкқәа рҟны аҭагылазаашьақәа рызҵаарақәа.
Уи адагьы Арӡынбеи Џьаафари иалацәажәеит Аԥсни, Урыстәылеи, Шьамтәылеи, Аахыҵ Уаԥстәылеи рыдәныҟаполитикатә усбарҭақәа рыҩаӡарала имҩаԥгахо абжьгарақәа рмеханизм аиҿкаара.
Хазы иазгәаҭан, Иран хықәкыс инанагӡо аиҿцәарақәа рымҩаԥгареи, аглобалтә шәарҭадара аиҿкаара асистемаҿи.