АҞӘА, абҵара 11 – Sputnik. Краснодартәи аџьаз коллектив "Георги Гараниан и-Биг-бенд" Аԥснытәи аҳәынҭқарратә филармониаҿ иқәгылоит. Абри атәы аанацҳауеит Акультура аминистрра апресс-маҵзура.
Аконцерт мҩаԥгахоит абҵара 19 рзы.
Апроект "Аԥсни Урыстәылеи рыбжьара акультуратә уснагӡатәқәа реимдара" хацыркын 2010 шықәсазы Урыстәылеи Аԥсни акультурақәа рминистррақәа рыцхыраарала. Апроект азырхоуп атәылақәа рыҩба рыбжьара акультуратә еимадарақәа рырӷәӷәара.
Биг-бенд – Урыстәыла иналукааша џьаз коллективуп, иаԥиҵеит Георги Гараниан. Еснагь аконцертқәа мҩаԥызго оркеструп, иамоуп ахатә репертуар, есышықәсатәи аџьаз-фестиваль JJ-JAZZ.
2010 шықәсазы Георги Гараниан иԥсҭазаара даналҵ ашьҭахь оркестр напхгара аиҭоит апианинорҳәаҩы, Ҟәбина зҽаԥсазтәыз артист Илиа Филиппов.