"Аанда иамоу аиха аанҳажьуеит, уи ганы ҿыц еиҭашьақәыргыланы иҟарҵоит, нас ишәны аҭыԥаҟны иқәыргылахоит. Иара шыҟаз еиԥш иҟарҵоит, амала хәыҷык аанда ҳнахеит метрак аҟара бжьаҵаны, амашьынақәа ируамызт, иацәхасуан, иԥырҽуан. Ақыҭа актив еидтәаланы ирыӡбеит хәыҷык аанда анахаразы. Иааизакны 600 метра иназынаԥшуеит. Уи алашарақәа аҭаны иҟалоит", - иҳәеит Чкотуа
Аицәажәара иаҳа инеиҵыхны ишәаҳар шәылшоит аудиофаил аҟны.
Ҳазҭоу ашықәс нҵәаанӡа Лыхнашҭа аанда ҿыц акәыршахоит ҳәа Sputnik акорреспондент изеиҭеиҳәахьан Аԥсны акапиталтә ргылараз аусбарҭа атехникатә хылаԥшра амаҵзура анџьныр Дикран Хынҭәба. Апроект азеиԥш хәыԥса 9 миллион мааҭ аҳәынҭқарра иазоунажьит.