АҞӘА, абҵара 18 - Sputnik. Очамчыра араион Аҩнуҵҟатәи аусқәа рыҟәша аиҳабы инапынҵақәа рынагӡараз дҟаҵоуп Аинар Коӷониа, абри атәы аанацҳауеит Аԥсны ААР апресс-маҵзура.
Аусбарҭа аиҳабы Вальтер Быҭәба Очамчыра араион Аҩнуҵҟатәи аусқәа рыҟәша аилазаара анапхгаҩ ҿыц дыдирдырит.
Коӷониа иусура хациркит 2013 шықәсазы аоператив-ԥшааратә хәҭа аҟны.
2020 шықәсазы Гәылрыԥшь араион ААР аиҳабы актәи ихаҭыԥуаҩыс дҟаҵан.
Вальтер Быҭәба аусбарҭа аусзуҩцәа ҭабуп ҳәа реиҳәеит ламысцқьалатәи рмаҵзуразы, иазгәеиҭеит ԥхьаҟатәи аусуратә хырхарҭақәа араион аҿы азинеиҿкаара аиқәыршәаразы.